The Cordewaneres
5 10 15 20 25 30 35 40 45 50 55 60 65 70 75 80 85 90 95 100 105 110 115 120 125 130 135 140 145 150 155 160 165 170 175 180 185 190 195 200 205 210 215 220 225 230 235 240 245 250 255 260 265 270 275 280 285 290 295 300 305	JESUS   Beholde, my discipulis that deyne is and dere, My flesshe dyderis and daris for doute of my dede. Myne enemyes will newly be neghand full nere With all the myght if thei may to marre my manhede. But sen ye are forwakid    and wanderede in were, Loke ye sette you doune rathely     and reste youe, I reede. Beis noght hevy in youre hertis     but holde yow even here And bidis me a stounde    stille in this same steede. Beeis witty and wyse in youre wandyng So that ye be wakand alway, And lokis nowe prestely ye pray To my Fadir, that ye falle in no fandyng. PETRUS   Yis, Lorde, at thy bidding     full baynly schall we abide, For thou arte boote of oure bale     and bidis for the best. JOAHNNES   Lorde, all oure helpe and oure hele,     that is noght to hyde, In thee, oure faythe and oure foode,     all hollye is feste. JACOBUS   Qwat way is he willid    in this worlde wyde? Whedir is he walked,    estewarde or weste? PETRUS   Yaa, sirs, I schall saye you,    sittis us doune on every ilka side, And late us nowe rathely here take oure reste; My lymmys are hevy as any leede. JOHANNES   And I muste slepe, doune muste I lye. JACOBUS   In faithe, felawes, right so fare I. I may no lenger holde uppe my hede. PETRUS   Oure liffe of his lyolty    his liffe schall he lose, Unkyndely be crucified    and naylyd to a tree. JESUS   Baynly of my blissing,    youre eghen ye unclose So that ye falle in no fandyng    for noght that may be, But prayes fast. JOHANNES   Lorde, som prayer thou kenne us That somwhat myght mirthe us or mende us. JACOBUS   Fro all fandyng unfaythfull thou fende us, Here in this worlde of liffe whille we laste. JESUS   I schall kenne you and comforte you    and kepe you from care; Ye schall be broughte, wete ye wele,    fro bale unto blisse. PETRUS   Yaa, but Lorde, and youre willis were    witte wolde we more, Of this prayer so precious late us noght mys, We beseke thee. JOHANNES   For my felows and me alle in feere, Some prayer that is precious to lere. JACOBUS   Unto thy Fadir that moste is of poure Some solace of socoure to sende thee. . . . [JESUS]   The nowys that me neghed    hase, it nedis not to neven, For all wate ye full wele    what wayes I have wente. Instore me and strenghe    with a stille steven, I pray thee interly thou take entent Thou menske my manhed with mode. My flessh is full dredand for drede, For my jorneys of my manhed. I swete now both watir and bloode. Thes Jewes hase mente in ther mynde full of malice And pretende me to take    withouten any trespasse, But, Fadir, as thou wate wele,    I mente nevere amys; In worde nor in werk    I never worthy was. Als thou arte bote of all bale and belder of blisse And all helpe and hele in thy hande hase, Thou mensk thy manhede,    thou mendar of mysse; And if it possible be    this payne myght I overpasse. And, Fadir, if thou se it may noght, Be it worthely wrought Even at thyne awne will Evermore both myldely and still With worschippe allway be it wroght. Unto my discipillis will I go agayne Kyndely to comforte tham    that kacchid are in care. What, are ye fallen on slepe    now everilkone, And the passioun of me in mynde hase no more? What, wille ye leve me thus lightly    and latte me allone In sorowe and in sighyng    that sattillis full sore? To whome may I meve me    and make nowe my mone? I wolde that ye wakened, and your will wore; Do, Petir, sitte uppe now, late se. Thou arte strongly stedde in this stoure, Might thou noght the space of an owre Have wakid nowe mildely with me? PETRUS   Yis, Lorde, with youre leve    nowe wille we lere, Full warely to were you    fro alle wandynge? JESUS   Beeis wakand and prayes faste all in fere To my Fadir, that ye falle in no fanding, For evelle spiritis is neghand full nere That will you tarie at this tyme with his temtyng. And I will wende ther I was withouten any were, But bidis me here baynly in my blissing. Agayne to the mounte I will gang Yitt eftesones where I was ere, But loke that ye cacche yow no care, For lely I schall noght dwelle lange. Thou, Fadir, that all formed hase with fode for to fill, I fele by my ferdnes my flessh wolde full fayne Be torned fro this turnement and takyn thee untill, For mased is manhed in mode and in mayne. But if thou se sothly that thi Sone sill Withouten surffette of synne thus sakles be slayne, Be it worthly wroght even at thyne awne will, For Fadir, att thi bidding am I buxum and bayne. Now wightely agayne will I wende Unto my disciplis so dere. What, slepe ye so faste all in fere? I am ferde ye mon faile of youre frende. But yitt will I leve you and late you allone, And eftesones there I was agayne will I wende. Unto my Fadir of myght now make I my mone: As thou arte salver of all sore som socoure me sende. The passioun they purpose to putte me uppon, My flesshe is full ferde and fayne wolde defende, At thi wille be itt wrought worthely in wone. Have mynde of my manhed my mode for to mende, Some comforte me kythe in this case, And Fadir, I schall dede taste    I will it noght deffende. Yitt yf thy willis be    spare me a space. [And seis . . . yght With rappes . . . the rode rente.] ANGELUS   Unto the maker unmade    that moste is of myght, Be lovyng aylastand in light that is lente. Thy Fadir that in heven is moste,    he uppon highte, Thy sorowes for to sobir    to thee he hase me sente. For dedis that man done has    thy dede schall be dight, And thou with turmentis be tulyd. But take nowe entente: Thy bale schall be for the beste Thurgh that mannys mys schall be mende; Than schall thou withouten any ende Rengne in thy rialté full of reste. JESUS   Now if my flesshe ferde be,    Fadir, I am fayne That myne angwisshe and my noyes    are nere at an ende. Unto my discipilis go will I agayne, Kyndely to comforte tham    that mased is in ther mynde. Do slepe ye nowe savely,    and I schall you sayne. Wakyns uppe wightely    and late us hens wende, For als tyte mon I be taken    with tresoune and with trayne, My flesshe is full ferde    and fayne wolde deffende. Full derfely my dede schall be dight, And als sone as I am tane Than schall ye forsake me ilkone And saie nevere ye sawe me with sight. PETRUS   Nay, sothely, I schall nevere my sovereyne forsake, If I schulde for the dede darfely here dye. JOHANNES   Nay, such mobardis schall nevere man us make, Erste schulde we dye all at onys. JACOBUS         Nowe in faith, felows, so shulde I. JESUS   Ya, but when tyme is betydde,    thanne men schalle me take. For all youre hartely hetyng    ye schall hyde you in hy: Lyke schepe that were scharid    away schall ye schake. Ther schall none of you be balde    to byde me than by. PETRUS   Nay, sothely, whils I may vayle thee, I schall were thee and wake thee, And if all othir forsake thee, I schall nevere fayntely defayle thee. JESUS   A, Petir, of swilke bostyng    I rede thou late bee, For all the kene carpyng    full kenely I knawe. For ferde of myne enmyse    thou schalte sone denye me Thries yitt full thraly    or the cokkes crowe. For ferde of my fomen    full fayne be for to flee, And for grete doute of thi dede    thee to withdrawe. ANNA   Sir Cayphas, of youre counsaille,    do sone, late us now see, For lely it langes us to luke    unto oure lawys. And therfore, sir, prestely I pray you, Sen that we are of counsaille ilkone That Jesus that traytoure wer tane, Do sone late se, sir, I pray you. CAYPHAS   In certayne, sir, and sone schall I saye you, I wolde wene by my witte    this werke wolde be wele. Late us justely us june    tille Judas the gente, For he kennes his dygnites    full duly ilke a dele, Ya, and beste wote, I warande,    what wayes that he is wente. ANNA   Now this was wisely saide    als ever have I seele. And sir, to youre saiyng,    I saddely will assente; Therfore take us of oure knyghtis    that is stedfast as stele, And late Judas go lede tham belyffe    wher that he laste lente. CAYPHAS                     Full wele, sir. Nowe, Judas, dere neghbour,    drawe nere us. Lo, Judas, thus in mynd have we ment, To take Jesus is oure entent, For thou muste lede us and lere us. JUDAS   Sirs, I schall wisse you the way    even at youre awne will, But loke that ye have    many myghty men That is both strang and sterand    and stedde hym stone stille. ANNA   Yis, Judas, but be what knowlache    schall we that corse kenne? JUDAS   Sirs, a tokenyng in this tyme    I schall telle you untill, But lokis by youre lewty    no liffe ye hym lenne. Qwhat man som I kys,    that corse schall ye kyll, And also beis ware    that he wil not away. I schrew you all thenne. CAYPHAS                     Why, nay, Judas, We purpose the page schall not passe. Sir knyghtis, in hy! I MILES               Lorde, we are here. CAYPHAS   Calles fourth youre felaws in feere And gose justely with gentill Judas. I MILES   Come, felaws, by youre faith,    come forthe all faste And carpis with Sir Cayphas:    he comaundis me to call. II MILES   I schrewe hym all his liffe,    that loves to be last. III MILES   Go we hens than in hy    and haste us to the halle. IV MILES   Lorde, of youre will worthely    wolde I witte what wast? CAYPHAS   To take Jesus, that sawntrelle,    all same, that ye schall. I MILES   Lorde, to that purpose,    I wolde that we paste. ANNA   Ya, but loke that ye be armed wele all, The moste gentill of the Jury schalle gyde you. CAYPHAS   Ya, and every ilke a knyght in degré Both armed and harneysed ye be To belde you and baynely go byde you. ANNA   Ya, and therfore, Sir Cayphas, ye hye you, Youre wirschippe ye wynne in this cas. As ye are a lorde most lofsom of lyre Undir Sir Pilate that lyfis in this empire, Yone segger that callis hymselffe a sire With tresoure and tene sall we taste hym. Of yone losell his bale schall he brewe. Do trottes on for that traytoure apas In hast. CAYPHAS   Nowe, sirs, sen ye say my poure is moste beste And hase all this werke    thus to wirke at my will, Now certayne I thinke not to rest But solempnely youre will to fulfille Right sone. Full tyte the traytoure schall be tane. Sirs knyghtis, ye hye you ilkone, For in certayne the losell schall be slane. Sir Anna, I praye you have done. ANNA   Full redy tyte I schal be boune This journay for to go till. Als ye are a lorde of grete renoune, Ye spare hym not to spill, The devill hym spede. Go we with oure knyghtis in fere, Lo, thay are arrayed and armed clere. Sir knyghtis, loke ye be of full gud chere: Where ye hym see, on hym take hede. I JUDEUS   Goode tente to hym, lorde, schall we take: He schall banne the tyme that he was borne. All his kynne schall come to late; He schall noght skape withouten scorne Fro us in fere. II JUDEUS   We schall hym seke both even and morne, Erly and late, with full gode chere, Is oure entente. III JUDEUS   Stye nor strete we schall spare none, Felde nor towne, thus have we mente, And boune in corde. CAYPHAS   Malcus! MALCUS                  A, ay, and I schulde be rewarde, And right als wele worthy were, Loo, for I bere light for my lorde. CAYPHAS   A, sir, of your speche lette, and late us spede A space, and of oure speche spare; And Judas, go fande thou before And wisely thou wisse tham the way, For sothely sone schall we saye To make hym to marre us no more. JESUS   Now will this oure be neghand full nere That schall certefie all the soth that I have saide. CAYPHAS   Go, fecche forth the freyke for his forfette. JUDAS   All hayll, maistir, in faith,    and felawes all in fere, With grete gracious gretyng    on grounde be ye graied. I wolde aske you a kysse,    maistir, and youre willes were, For all my love and my likyng    is holy uppon you layde. JESUS   Full hartely, Judas, have it even here, For with this kissing is mans Sone betrayed. I MILES   Whe, stande, traytoure, I telle thee for tane. CAYPHAS   Whe, do knyghtis, go falle on before. II MILES   Yis, maistir, move thou no more, But lightly late us allone. III MILES   Allas, we are loste for leme of this light. JESUS   Saye ye here, whome seke ye?    do saye me, late see. I JUDEUS   One Jesus of Nazareth    I hope that he hight. JESUS   Beholdis all hedirward, loo,    here, I am hee. I MILES   Stande, dastarde, so darfely    thy dede schall be dight; I will no more be abasshed    for blenke of thy blee. I JUDEUS   We, oute, I ame mased almost    in mayne and in myght. II JUDEUS   And I am ferde, be my feyth,    and fayne wolde I flee, For such a sight have I not sene. III JUDEUS   This leme it lemed so light, I saugh never such a sight: Me mervayles what it may mene. JESUS   Doo, whame seke ye all same, yitt I saye? I JUDEUS   One Jesus of Nazareth,    hym wolde we neghe nowe. JESUS   And I am he sothly. MALCUS                            And that schall I asaie, For thou schalte dye, dastard,    sen that it is thowe. PETRUS   And I schall fande be my feythe thee for to flaye, Here with a lusshe, lordayne, I schalle thee allowe. MALCUS   We, oute, all my deveres are done. PETRUS                                                           Nay, Traytoure, but trewly I schall trappe thee, I trowe. JESUS   Pees, Petir, I bidde thee; Melle thee nor move thee no more, For witte thou wele    and my willis were, I myght have poure grete plenté. Of aungellis full many    to mustir my myght; Forthy putte uppe thi swerde    full goodely agayne, For he that takis vengeaunce    all rewlid schall be right, With purgens and vengeaunce    that voydes in vayne. Thou man that is thus derede    and doulfully dyght, Come hedir to me savely    and I schalle thee sayne. In the name of my Fadir    that in hevene is most upon hight, Of thy hurtis be thou hole    in hyde and in hane, Thurgh vertewe thi vaynes be at vayle. MALCUS   What, ille hayle, I hope that I be hole. Nowe I schrewe hym this tyme that gyvis tale, To touche thee for thi travayle. I JUDEUS   Do felaws, be youre faithe,    late us fange on in fere, For I have on this hyne. II MILES   And I have a loke on hym nowe;    howe, felawes, drawe nere. III MILES   Yis, by the bonys that this bare,    this bourde schall he banne. JESUS   Even like a theffe heneusly    hurle ye me here. I taught you in youre Tempill,    why toke ye me noght thanne? Now haves mekenes on molde    all his power. I JUDEUS   Do, do, laye youre handes belyve on this lourdayne. III JUDEUS   We, have holde this hauk in thi handis. MALCUS   Whe, yis, felawes, be my faith he is fast. IV JUDEUS   Unto Sir Cayphas I wolde that he passen. Farewell, for, iwisse, we will wenden.	worthy; dear; (t-note) trembles; shakes; fear; (see note) soon manhood tired with watching perplexity promptly advise abide with me; time; (see note) place thoughts waking urgently temptation; (t-note) obediently remedy abide well-being wholly; fast (firm) What; gone let; quickly limbs; lead head truth Obediently eyes; open temptation instruct cheer; improve defend know; well will know would learn power [pages missing, see textual note] information say know Restore; strengthen voice wholly honor; strength of will dreading; dread undertakings (see note) intended propose know well reward; support health honor error (see note) By nature caught everyone in [your] thoughts let sinks deeply in the mind move (express) myself lament if it were; (see note) struggle hour meekly vigilantly; defend uncertainty temptation tempting perplexity obediently go truly; long sustenance fear; gladly tournament (battle); (see note) bewildered; strength shall innocent own humble; obedient quickly (boldly) afraid; may; friend where lament avoid place make known death resist blows; cross torn asunder; (t-note) (see note); (t-note) high alleviate attacked original sin Reign; royalty; peace afraid trouble upset certainly sign (make sign of the cross); (see note) quickly soon must deceit protect [myself] cruelly; death taken; (see note) everyone deed cruelly villainous fools come boldly promising quickly sheep; sheared flee bold [enough]; (t-note) abide with me then serve; (t-note) guard; watch desert boasting let be (t-note) enemies Thrice; completely ere foes fear; death (see note) longs; look urgently should be taken soon let see [it done]; (t-note) Let; join with; gracious authority lawful knows; warrant (certify) has gone health take; [those] of steel allow; lead them without delay passed (t-note) teach (inform) guide; (t-note) athletic hold by sign loyalty grant What; whom body (person) be on guard escape curse (t-note) boy come here quickly; (t-note) deal talk curse in haste (i.e., what do you want) pretender together passed (t-note) Jewry; guide in order in armor comfort; obediently; abide (i.e., await) go quickly gain; (t-note) attractive body lives braggart; lord harm; test (try) knave; cause; (t-note) traitor; apace quickly hurry slain; (t-note) destroy (kill) good heed attention curse too escape all together Path accord (t-note) a lantern; (see note) leave off; allow us to hurry find the way guide truthfully soon hour; nighing truth bold man; punishment; (t-note) (see note) given; (t-note) (see note) (i.e., consent) wholly apprehended proceed quickly radiance; (see note) (see note) is [so] named (i.e., Look this way) cruelly put down radiance; countenance amazed radiance; shone; brightly approach test (check out); (t-note) try by; faith; put to flight blow deeds Peace; (t-note) Stir about well will power (see note) governed purging renders ineffectual hurt safely sign (bless) whole in field and in enclosure (i.e., everywhere) veins; healed whole (healed) curse; (i.e., considers it worthwhile) proceed [lower-class] man; (t-note) lock bones; bore jest; curse heinously; (see note) earth; (t-note) quickly; rascal hawk be passed on