5
10
15
20
25
30
35
40
45
50
55
60
65
70
75
80
85
90
95
100
105
110
115
120
125
130
135
140
145
150
155
160
165
170
175
180
185
190
195
200
205
210
215
220
225
230
235
240
|
JESUS Petir, myne awne discipill dere,
And James and John, my cosyns two,
Takis hartely hede, for ye schall here
That I wille telle unto no moo;
And als ye schall see sightis seere
Whilke none schall see bot ye alsoo,
Therfore comes forth with me in fere,
For to yone mountayne will I goo.
Ther schall ye see a sight
Whilk ye have yerned lange.
PETRUS My Lorde, we are full light
And glad with thee to gange.
JESUS Longe have ye coveyte for to kenne
My Fadir, for I sette hym before,
And wele ye wote whilke tyme and when
In Galylé gangand we were.
“Shewe us thy Fadir,” thus saide ye then,
“That suffice us withouten more.”
I saide to you and to all men,
“Who seis me, seis my Fadyr thore.”
Such wordis to you I spakke
In trewthe to make you bolde,
Ye cowde noght undyrtake
The talez that I you tolde.
Anodir tyme, for to encresse
Youre trouthe and worldly you to wys,
I saide, Quem dicunt homines
Esse filium hominis?1
I askid yow wham the pepill chase
To be mannys Sone, withouten mys;
Ye answered and saide, “Sum Moyses,”
And sum saide than, “Hely it is,”
And sum saide, “John Baptist.”
Than more I enquered you yitt,
I askid yiff ye ought wiste
Who I was, by youre witte.
Thou aunswered, Petir, for thy prowe,
And saide that I was Crist, God Sonne;
Bot of thyselffe that had noght thowe,
My Fadir hadde that grace begonne.
Therfore bese bolde and biddis nowe
To tyme ye have my Fadir fonne.
JACOBUS Lord, to thy byddyng will we bowe
Full buxumly, as we are bonne.
JOHANNES Lorde, we will wirke thy will
Allway with trew entent.
We love God lowde and stille
That us this layne has lente.
PETRUS Full glad and blithe awe us to be
And thanke oure maistir, mekill of mayne,
That sais we schall the sightis see
The whiche non othir schall see certayne.
JACOBUS He talde us of his Fadir free,
Of that fare wolde we be full fayne.
JOHANNES All that he hyghte us holde will hee;
Therfore we will no forther frayne,
But as he fouchesaffe
So sall we undirstande.
PETRUS Beholde, her we have nowe in hast
Som new tythandys.
HELYAS Lord God, I love thee lastandly
And highly, botht with harte and hande,
That me, thy poure prophett Hely,
Have stevened me in this stede to stande.
In paradise wonnand am I
Ay sen I lefte this erthely lande.
I come Cristis name to clarifie
As God his Fadir me has ordand,
And for to bere witnesse
In worde to man and wyffe,
That this his owne Sone is
And Lord of lastand liff.
MOYSES Lord God, that of all welth is wele,
With wille and witte we wirschippe thee,
That unto me, Moyses, wolde tell
This grete poynte of thy pryvyté,
And hendly hente me oute of hell
This solempne syght for I schuld see,
Whan thy dere darlynges that thore dwell
Hase noght thy grace in swilk degree.
Oure formefadyrs full fayne
Wolde se this solempne sight
That in this place thus pleyne
Is mustered thurgh thi myght.
PETRUS Brethir, whatevere yone brightnes be?
Swilk burdis beforne was nevere sene.
It marres my myght, I may not see,
So selcouth thyng was nevere sene.
JACOBUS What it will worthe, that wote noght wee,
How wayke I waxe, ye will not wene,
Are was ther one, now is ther thre.
Methynke oure maistir is betwene.
JOHANNES That oure maistir is thare
That may we trewly trowe;
He was ffull fayre beffore,
But nevere als he is nowe.
PETRUS His clothyng is as white as snowe,
His face schynes as the sonne.
To speke with hym I have grete awe,
Swilk faire before was nevere fune.
JACOBUS The tothir two fayne wolde I knawe
And witte what werke tham hedir has wonne.
JOHANNES I rede we aske tham all on rowe
And grope tham how this game is begonne.
PETRUS My bredir, if that ye be come
To make clere Cristis name,
Telles here till us thre,
For we seke to the same.
HELYAS Itt is Goddis will that we you wys
Of his werkis, as is worthy.
I have my place in paradise,
Ennok my brodyr me by.
Als messenger withouten mys
Am I called to this company
To witnesse that Goddis Sone is this,
Evyn with hym mette and allmyghty.
To dede we wer noght dight,
But quyk schall we come
With Antecrist for to fyght
Beffore the day of dome.
MOYSES Frendis, if that ye frayne my name,
Moyses than may ye rede by rawe,
Two thousand yere aftir Adam
Than gaffe God unto me his lawe,
And sythen in helle has bene oure hame.
Allas, Adams kynne, this schall ye knawe:
Unto Crist come, this is the same
That us schall fro that dongeoun drawe.
He schall brynge tham to blys
That nowe in bale are bonne;
This myrthe we may not mys,
For this same is Goddis Sonne.
JESUS My dere discipill, drede you noght,
I am youre soverayne certenly.
This wondir werke that here is wrought
Is of my Fadir almyghty.
Thire both are hydir brought,
The tone Moyses, the todir Ely,
And for youre sake thus are thei sought
To saie you, his Sone am I.
So schall bothe heven and helle
Be demers of this dede,
And ye in erthe schall tell
My name wher itt is nede.
PETRUS A, loved be thou evere, my Lord Jesus,
That all this solempne sight has sent
That fouchest saffe to schew thee thus
So that thi myghtis may be kende.
Here is full faire dwellyng for us,
A lykand place in for to lende.
A, Lord, late us no forther trus,
For we will make with herte and hende
A taburnakill unto thee
Belyve, and thou will bide;
One schall to Moyses be,
And to Ely the thirde.
JACOBUS Ya, wittirly, that were wele done,
But us awe noght swilk case to crave;
Tham thare but saie and have it sone,
Such service and he fouchesaffe.
He hetis his men both morne and none
Thare herber high in heven to have;
Therfore is beste we bide hys bone.
Who othir reedis, rudely thei rave.
JOHANNES Such sonde as he will sende
May mende all oure mischeve,
And where hym lykis to lende
We will lende, with his leve
Hic descendunt nubes.
PATER IN NUBE Ye ffebill of faithe, folke affraied,
Beis noght aferde for us in feere.
Both erthe and eyre with clowdes clere.
This is my Sone, as ye have saide,
As he has schewed by sygnes sere.
Of all his werkis I am wele paied,
Therfore till hym takis hede and here.
Where he is, thare am I;
He is myne and I am his:
Who trowis this stedfastly
Shall byde in endles blisse.
JESUS Petir, pees be unto thee,
And to you also, James and John.
Rise uppe and tellis me what ye see,
And beis no more so wille of wone.
PETRUS A, Lorde, what may this mervayle be?
Whedir is this glorious gleme al gone?
We saugh here pleynly persones thre,
And nowe is oure Lorde lefte allone.
This mervayle movis my mynde
And makis my flessh affrayed.
JACOBUS This brightnes made me blynde,
I bode nevere swilke a brayde.
JOHANNES Lorde God, oure maker almyghty,
This mater evermore be ment,
We saw two bodis stande hym by
And saide his Fadir had thame sent.
PETRUS There come a clowde of the skye,
Lyght als the lemys on thame lent,
And now fares all as fantasye,
For wote noght how thai are wente
JACOBUS That clowde cloumsed us clene
That come schynand so clere,
Such syght was never sene,
To seke all sydis seere.
JOHANNES Nay, nay, that noys noyed us more
That here was horde so hydously.
JESUS Frendis, be noght afferde therfore,
I schall you saye encheson why.
My Fadir wyte how that ye were
In youre faith fayland and forthy
He come to witnesse ay where,
And saide that his Sone am I
And also in this stede
To witnesse the same,
A quyk man and a dede
Come to make clere my name.
PETRUS A, Lord, why latest thou us noght see
Thy Fadirs face in his fayrenes?
JESUS Petir, thou askis overgrete degree,
That grace may noght be graunted thee, I gesse.
In his Godhed so high is he
As all youre prophetis names expresse,
That langar of lyffe schall he noght be
That seys his Godhede as it is.
Here have ye sene in sight
Poyntes of his privité
Als mekill als erthely wighte
May suffre in erthe to see.
And therfore wende we nowe agayne
To oure meyné, and mende ther chere.
JACOBUS Oure felaws ful faste wil us frayne
How we have faren, al in feere.
JESUS This visioun lely loke ye layne,
Unto no leffand lede it lere
Tille tyme mannys Sone have suffered payne
And resen fro dede, kens it than clere.
For all that trowis that thyng
Of my Fadir and me,
Thay schall have his blessing
And myne, so motte it be.
|
earnestly heed; hear
many; (see note); (t-note)
but
in company
(see note)
long yearned for
happy
go
(t-note)
?affirmed
Galilee going
(see note)
there
spake
[For otherwise] you could not understand
guide
(see note)
chose
(t-note)
Elijah
of you
knew
credit
thou
begun
be; abide; (see note); (t-note)
found (seen)
obediently; obliged
gift
ought; (see note)
matter; glad
promised
question
is willing
everlastingly
both
poor; Elijah
called
living
ordained
everlasting life
well (source); (t-note)
mystery
graciously took
plain; (t-note)
organized through
marvels
(see note)
amazing
(i.e., be determined to be)
weak (sleepy)
Before; (see note)
(see note)
matter; found
know; hither; transported
in order
interrogate
inform
brother [is]
sin
equal
death; put
alive; (see note)
doom
ask
expound in order
gave
home
Until; comes; (see note)
bound (captive)
dread
say [to] you
judges
necessary
praised; (t-note)
vouchsafe; show
known
pleasant; remain
go
hand; (see note)
Forthwith
wisely
if he wills [it]
promises
[secure] dwelling
wish
advises
message
desires; remain
leave
Here the clouds descend; (t-note)
(see note); (t-note)
Be
framed; (t-note)
air
hear
believes
(t-note)
(see note)
be; distraught
(t-note)
saw; plainly
endured; assault
remembered
bodies
them
beams
[we] know
surprised (shocked)
shining
seek all around; (see note)
sound annoyed; (see note)
heard
afraid
reason
knows
failing
place
live
(i.e., too much)
proclaim
(see note)
sees
mystery
company
truly; conceal; (see note)
living man; reveal
risen; teach; openly
(t-note)
|