5
10
15
20
25
30
35
40
45
50
55
60
65
70
75
80
85
90
95
100
105
110
115
120
125
130
135
140
145
150
155
160
165
170
175
180
185
190
195
200
205
210
215
220
225
230
235
240
245
250
255
260
265
270
275
280
285
290
295
|
PILATUS Undir the ryallest roye of rente and renowne,
Now am I regent of rewle this region in reste,
Obeye unto bidding bud busshoppis me bowne,
And bolde men that in batayll makis brestis to breste.
To me betaught is the tent this towre begon towne,
For traytoures tyte will I taynte, the trewthe for to triste,
The dubbyng of my dingnité may noght be done downe,
Nowdir with duke nor dugeperes, my dedis are so dreste.1
My desire muste dayly be done
With thame that are grettest of game,
And ther agayne fynde I but fone,
Wherfore I schall bettir ther bone.
But he that me greves for a grone,
Beware, for wyscus I am.
Pounce Pilatt of thre partis
than is my propir name.
I am a perelous prince
to prove wher I peere.
Emange the philosofers firste
ther fanged I my fame,
Wherefore I fell to affecte
I fynde noght my feere.
He schall full bittirly banne
that bide schall my blame,
If all my blee be as bright
as blossome on brere.
For sone his liffe shall he lose,
or left be for lame,
That lowtes noght to me lowly
nor liste noght to leere.
And thus sen we stande in oure state
Als lordis with all lykyng in lande,
Do and late us wete if ye wate
Owthir, sirs, of bayle or debate,
That nedis for to be handeled full hate
Sen all of youre helpe hanges in my hande.
CAIPHAS Sir, and for to certefie the soth in youre sight,
As to you for oure soverayne semely we seke.
PILATUS Why, is ther any myscheve that musteres his myght
Or malice thurgh meene menn us musters to meke?
ANNA Ya, sir, ther is a ranke swayne
whos rule is noght right,
For thurgh his romour in this reme
hath raysede mekill reke.
PILATUS I here wele ye hate hym,
youre hartis are on heght,
And ellis if I helpe wolde
His harmes for to eke.
But why are ye barely thus brathe?
Bees rewly, and ray fourth youre reasoune.
CAIPHAS Tille us, sir, his lore is full lothe.
PILATUS Beware that we wax noght to wrothe.
ANNA Why, sir, to skyfte fro his skath
We seke for youre socoure this sesoune.
PILATUS And if that wrecche in oure warde
have wrought any wrong,
Sen we are warned we walde witte
and wille or we wende;
But and his sawe be lawfull,
legge noght to lange,
For we schall leve hym if us list
with luffe here to lende.
I DOCTOR And yf that false faytor
youre fortheraunce may fang,
Than fele I wele that oure folke
mon fayle of a frende.
Sir, the strengthe of his steven ay still is so strange
That but he schortely be schent, he schappe us to schende.2
For he kennes folke hym for to call
Grete God Son, thus greves us that gome,
And sais that he sittande be schall
In high heven, for there is his hall.
PILATUS And frendis if that force to hym fall,
It semes noght ye schall hym consume.
But that hymselfe is the same
ye saide schulde descende,
Youre seede and you then all for to socoure.
CAYPHAS A, softe sir, and sese,
For of Criste whan he comes
no kynne schall be kenned;
But of this caytiffe kynreden
we knawe the encrese.
He lykens hym to be lyke God,
aylastand to lende,
To lifte uppe the laby to lose or relesse.
PILATUS His maistreys schulde move you,
youre mode for to amende.
ANNA Nay, for swilke mys fro malice
we may noght us meese,
For he sais he schall deme us, that dote,
And that tille us is dayne or dispite.
PILATUS To noye hym nowe is youre noote,
But yitt the lawe lyes in my lotte.
I DOCTOR And yf ye will witt, sir, ye wotte,
That he is wele worthy to wyte.
For in oure Temple has he taught
by tymes moo than tenne
Where tabillis full of tresoure lay
to telle and to trye
Of oure cheffe mony changers;
butte, curstely to kenne,
He caste tham overe, that caystiffe,
and counted noght therby.
CAYPHAS Loo, sir, this is a perjurye
to prente undir penne,
Wherfore make ye that appostita,
we praye you, to plye.
PILATUS Howe mene ye?
CAYPHAS Sir, to mort hym for movyng of men.
PILATUS Than schulde we make hym to morne
but thurgh youre maistrie.
Latte be, sirs, and move that no more
But what in youre Temple betyde?
I MILES We, thare, sir, he skelpte oute of score
That stately stode selland ther store.
PILATUS Than felte he tham fawte before
And made the cause wele to be kydde.
But what taught he that tyme
swilk tales as thou telles?
I MILES Sir, that oure Tempill is the toure
of his troned sire,
And thus to prayse in that place
oure prophettis compellis,
Tille hym that has posté
of prince and of empire.
And thei make domus Domini
that deland thare dwellis,
The denn of the derfenes
and ofte that thei desire.
PILATUS Loo, is he noght a madman
that for youre mede melles?
Sen ye ymagyn amys,
that makeles to myre,
Youre rankoure is raykand full rawe.
CAYPHAS Nay, nay, sir, we rewle us but right.
PILATUS Forsothe, ye ar over cruell to knawe.
CAYPHAS Why, sir, for he wolde lose oure lawe
Hartely we hym hate as we awe,
And therto schulde ye mayntayne oure myght.
For why, uppon oure Sabbott day
the seke makes he saffe
And will noght sesse for oure sawes
to synke so in synne.
II MILES Sir, he coveres all that comes
recoveraunce to crave,
But in a schorte contynuaunce
that kennes all oure kynne.
But he haldis noght oure haly dayes —
harde happe myght hym have —
And therfore hanged be he
and that by the halse.
PILATUS A, hoo, sir, nowe, and holde in.
For thoff ye gange thus gedy
hym gilteles to grave
Withouten grounde yow gaynes noght,
swilke greffe to begynne.
And loke youre leggyng be lele
Withowtyn any tryfils to telle.
ANNA For certayne owre sawes dare we seele.
PILATUS And than may we prophite oure pele.
CAYPHAS Sir, bot his fawtes wer fele,
We mente noght of hym for to melle.
For he pervertis oure pepull
that proves his prechyng,
And for that poynte ye schulde prese
his poosté to paire.
II DOCTOR Ya, sir, and also that caytiff
he callis hym oure kyng,
And for that cause our comons are casten in care.
PILATUS And if so be, that borde to bayll will hym bryng
And make hym boldely to banne the bones that hym bare.
For why that wrecche fro oure wretthe schal not wryng,
Or ther be wrought on hym wrake.
I DOCTOR So wolde we it ware,
For so schulde ye susteyne youre seele
And myldely have mynde for to meke you.
PILATUS Wele witte ye this werke schall be wele,
For kende schall that knave be to knele.
II DOCTOR And so that oure force he may feele,
All samme for the same we beseke you.
JUDAS Ingenti pro injuria, hym Jesus, that Jewe,
Unjust unto me, Judas, I juge to be lathe,
For at oure soper as we satte, the sothe to pursewe
With Symond Luprus full sone,
my skiffte come to scathe.
Tille hym ther brought one a boyste
my bale for to brewe,
That baynly to his bare feete
to bowe was full braythe.
Sho anoynte tham with an oynement
that nobill was and newe,
But for that werke that sche wrought
I wexe woundir wrothe.
And this, to discover, was my skill,
For of his penys purser was I,
And what that me taught was untill
The tente parte that stale I ay still.
But nowe for me wantis of my will
That bargayne with bale schall he by.
That same oynement, I saide,
might same have bene solde
For silver penys in a sowme
thre hundereth, and fyne
Have ben departid to poure men
as playne pité wolde.
But for the poore ne thare parte
priked me no peyne,
But me tened for the tente parte,
the trewthe to beholde,
That thirty pens of three hundereth
so tyte I schulde tyne.
And for I mysse this mony
I morne on this molde,
Wherfore for to mischeve
this maistir of myne,
And therfore faste forthe will I flitte
The princes of prestis untill
And selle hym full sone or that I sitte
For therty pens in a knotte knytte.
Thusgatis full wele schall he witte
That of my wretthe wreke me I will.
Do open, porter, the porte of this prowde place
That I may passe to youre princes
to prove for youre prowe.
JANITOR Go hense, thou glorand gedlyng,
God geve thee ille grace.
Thy glyfftyng is so grymly
thou gars my harte growe.
JUDAS Goode sir, be toward this tyme,
and tarie noght my trace,
For I have tythandis to telle.
JANITOR Ya, som tresoune I trowe,
For I fele by a figure in youre fals face
It is but foly to feste affeccioun in you;
For Mars he hath morteysed his mark
Eftir all lynes of my lore,
And sais ye are wikkid of werk
And bothe a strange theffe and a stark.
JUDAS Sir, thus at my berde and ye berk
It semes it schall sitte yow full sore.
JANITOR Say, bittilbrowed bribour,
why blowes thou such boste?
Full false in thy face in faith can I fynde;
Thou arte combered in curstnesse
and caris to this coste.
To marre men of myght
haste thou marked in thy mynde.
JUDAS Sir, I mene of no malice
but mirthe meve I muste.
JANITOR Say, onhanged harlott,
I holde thee unhende.
Thou lokist like a lurdayne
his liffelod hadde loste.
Woo schall I wirke thee away but thou wende.
JUDAS A, goode sir, take tente to my talkyng this tyde,
For tythandis full trew can I telle.
JANITOR Say, brethell, I bidde thee abide,
Thou chaterist like a churle that can chyde.
JUDAS Ya, sir, but and the truthe schulde be tryed,
Of myrthe are ther materes I mell.
For thurgh my dedis youre dugeperes
fro dere may be drawen.
JANITOR What, demes thou till oure dukes
that doole schulde be dight?
JUDAS Nay, sir, so saide I noght;
If I be callid to counsaille
that cause schall be knawen
Emang that comely companye,
to clerke and to knyght.
JANITOR Byde me here, bewchere,
or more blore be blowen,
And I schall buske to the benke
wher baneres are bright,
And saie unto oure sovereynes
or seede more be sawen
That swilke a seege as thiselff
sewes to ther sight.
My lorde nowe, of witte that is well,
I come for a cas to be kydde.
PILATUS We, speke on, and spare not thi spell.
CAYPHAS Ya, and if us mystir te mell,
Sen ye bere of bewté the bell,
Blythely schall we bowe as ye bidde.
JANITOR Sir, withoute this abatyng,
ther hoves, as I hope,
A hyve helte full of ire, for hasty he is.
PILATUS What comes he fore?
JANITOR I kenne hym noght, but he is cladde in a cope;
He cares with a kene face uncomely to kys.
PILATUS Go, gete hym that his greffe
we grathely may grope
So no oppen langage be goyng amys.
JANITOR Comes on bylyve to my lorde,
and if thee liste to lepe,
But uttir so thy langage
that thou lette noght thare blys.
JUDAS That lorde, sirs, myght susteyne youre seele
That floure is of fortune and fame.
PILATUS Welcome, thy wordis are but wele.
CAYPHAS Say, harste thou, knave, can thou not knele?
PILATUS Loo, here may men faute in you fele.
Late be, sir, youre scornyng, for schame.
Bot, bewshere, be noght abayst to byde at the bar.
JUDAS Before you, sirs, to be brought
abowte have I bene,
And allway for youre worschippe.
ANNA Say, wotte thou any were?
JUDAS Of werke, sir, that hath wretthid you,
I wotte what I meene.
But I wolde make a marchaundyse
youre myscheffe to marre.
PILATUS And may you soo?
JUDAS Els madde I such maistries to meve.
ANNA Than kennes thou of som comberaunce
oure charge for to chere?
For, cosyne, thou art cruell.
JUDAS My cause, sir, is kene,
For if ye will bargayne or by,
Jesus this tyme will I selle you.
I DOCTOR My blissing, sone, have thou forthy.
Loo, here is a sporte for to spye.
JUDAS And hym dar I hete you in hye
If ye will be toward I telle you.
PILATUS What hytist thou?
JUDAS Judas Scariott.
PILATUS Thou art a juste man
That will Jesus be justified
by oure jugement.
But howe gates bought schall he be?
Bidde furthe thy bargayne.
JUDAS But for a litill betyng
to bere fro this bente.
PILATUS Now, what schall we pay?
JUDAS Sir, thirti pens and plete, no more than.
PILATUS Say, ar ye plesid of this price
he preces to present?
II DOCTOR Ellis contrarie we oure consciens
consayve sen we can
That Judas knawes hym culpabill.
PILATUS I call you consent,
But Judas, a knott for to knytt,
Wilte thou to this comenaunt accorde?
JUDAS Ya, at a worde.
PILATUS Welcome is it.
II MILES Take therof, a traytour, tyte.
I MILES Now leve, ser, late no man wete
How this losell laykis with his lord.
PILATUS Why, dwellis he with that dochard
whos dedis has us drovyd?
I MILES That hase he done, ser, and dose,
no dowte is this day.
PILATUS Than wolde we knawe why this knave
thus cursidly contryved.
II MILES Enquere hym sen ye can best
kenne if he contrarie.
PILATUS Say, man, to selle thi maistir
what mysse hath he moved?
JUDAS For of als mekill mony he made me delay;
Of you, as I resayve, schall but right be reproved.
ANNA I rede noght that ye reken us
oure rewle so to ray,
For that the fales fende schall thee fang.
I MILES When he schall wante of a wraste.
I DOCTOR To whome wirke we wittandly wrang.
II DOCTOR Tille hym bot ye hastely hang.
III DOCTOR Youre langage ye lay oute to lang,
But Judas, we trewly thee trast.
For truly thou moste lerne us
that losell to lache,
Or of lande, thurgh a lirte,
that lurdayne may lepe.
JUDAS I schall you teche a token
hym tyte for to take
Wher he is thryngand in the thrang,
withouten any threpe.
I MILES We knawe hym noght.
JUDAS Take kepe than that caytiffe to catche
The whilke that I kisse.
II MILES That comes wele thee, corious, I cleepe.
But yitt to warne us wisely,
allwayes muste ye wacche.
Whan thou schall wende forthwith
we schall walke a wilde hepe,
And therfore besye loke now thou be.
JUDAS Yis, yis, a space schall I spie us
Als sone as the sonne is sette, as ye see.
I MILES Go forthe, for a traytoure ar ye,
II MILES Ya, and a wikkid man.
I DOCTOR Why, what is he?
II DOCTOR A losell, ser, but lewté shuld lye us,
He is trappid full of trayne the truthe for to trist.
I holde it but folye his faythe for to trowe.
PILATUS Abide in my blyssing,
and late youre breste,
For it is beste for oure bote
in bayle for to bowe.
And Judas, for oure prophite
we praye thee be prest.
JUDAS Yitt hadde I noght a peny
to purvey for my prowe.
PILATUS Thou schalte have delyveraunce,
belyve at thi list,
So that thou schall have liking
oure lordschipp to love.
And therfore, Judas, mende thou thy mone
And take ther thi silvere all same.
JUDAS Ya, nowe is my grete greffe overegone.
I MILES Be lyght than.
JUDAS Yis, latte me allone,
For tytte schall that taynte be tone,
And therto jocounde and joly I am.
PILATUS Judas, to holde thi behest
be hende for oure happe,
And of us helpe and upholde
we hete thee to have.
JUDAS I schall bekenne you his corse
in care for to clappe.
ANNA And more comforte in this case
we coveyte not to crave.
I MILES Fro we may reche that rekeles,
his ribbis schall we rappe
And make that roy, or we rest,
for rennyng to raffe.
PILATUS Nay, sirs, all if ye scourge hym
ye schende noght his schappe,
For if the sotte be sakles
Us sittis hym to save.
Wherfore when ye go schall to gete hym,
Unto his body brew ye no bale.
II MILES Oure liste is fro lepyng to lette hym,
But in youre sight sownde schall ve sette hym.
PILATUS Do flitte nowe forthe till ye fette hym,
With solace all same to youre sale.
|
most royal king; revenue; (t-note)
rule; peace; (see note)
commands; must; oblige
burst
entrusted; care; turreted
quickly; attaint; trust
my status (by right of title)
(i.e., most skillful)
few
petitions
grieves me with a groan; (t-note)
vicious (see note)
Pontius
appear
achieved
aspire
peer
curse
endure
countenance; (see note)
briar
reverences
learn
felicity
let us know if you know (hear); (see note)
Either; bale
severely
(see note)
handsome
mean (low); subdue
rebellious
realm; (t-note)
riot (commotion)
hear
(i.e., you are excited)
else
aggravate
so angry
Be calm (Behave); set forth
very hateful
too angry
escape; malice
(i.e., at this time)
custody; (see note)
would know
ere
sayings; (see note)
allege; too long
believe
in peace; allow
deceiver
favor; gain
feel
may fail
voice always; strong
teaches
man
sitting
should belong
destroy
(i.e., descendants)
cease
known
rascal’s kindred
burden
error from malice
restrain
judge; fool
to; insult; malice
persecute; note (i.e., task)
province
understand; know
blame
(see note)
count; sort out
maliciously; reveal
rascal
inscribe
apostate; (see note)
submit
kill; influencing
happened
beat outrageously
stood selling; goods
at fault
known
(t-note)
tower
enthroned father
power
house of the Lord
dealing; (t-note)
sacrilege
benefit is involved
amiss
matchless; ensnare; (see note)
rancor; rashly evident
rule
ought [to]
sick; sound; (see note)
cease; sayings (complaints)
relieves
recovery
time
knows
keeps; holy
luck
neck
though; proceed; precipitously
bury
justification
grief
allegations be true
silly stories
sayings (charges); certify
put forward; accusation; (see note)
faults; many
become involved
power; reduce
cast into worry
joke; sorrow; (t-note)
curse
Therefore; wrath; escape
destruction
were
sense of well-being
make mild of mind
taught; kneel
Together
Because of a great injury; (see note)
loathsome; (t-note)
supper
Simon Leprous
conspiracy; harm
To; box
obediently
eager
(t-note)
became very angry
reason
pence (money) treasurer
stole
lacks
buy (purchase)
sum
approximately
given; poor
pity
not for their part
grieved; tenth
quick (sharp); lose
earth
harm
priests
bargain made
In this manner; know
anger revenge
door; (see note)
benefit
glowering gadling (rascal); (see note)
glaring
make; to swell (i.e., become terrified)
hinder; course of action
treason
by the expression
fasten
fixed; sign; (see note)
indication
(i.e., a reprobate)
beard; bark (shout)
beetle-browed briber
boasting
encumbered by malice
come; place
hurt
determined
I’d rather choose mirth
ungracious
rascal
livelihood
unless you go
brothel (worthless person)
but if
leaders
from harm; (t-note)
judge
[to] dole; put
Await
boasting
hurry; bench
(see note)
ere; sowed
man
sues (requests an audience)
(t-note)
made known
need to stir
Since; bear; beauty
hesitation
hovers
hive full up to hilt; anger
know; cloak
goes about with
grievance
directly; examine
open (careless)
quickly
(i.e., go quickly)
speak thus
disturb; their calm
happiness
flower
hearest
fault
Leave aside
But; afraid; wait; (see note); (t-note)
honor
know; danger
endangered
agreement; (see note)
(i.e., assertions to allege)
know; trouble
concern; cheer (alert)
purchase
find out
promise; quickly
in sympathy with what I
are you called
Who wishes; brought to justice; (t-note)
by what means
reward
place
pence; in full; (see note)
presses
Else against
understand
responsible; (t-note)
agreed
covenant agree
quickly
leave; know
scoundrel plays
fool
deeds; angered
does
plotted
of him
find; offend
(i.e., what has he done)
much; withheld from me
receive; redressed
rule; take seriously
false fiend; take; (see note); (t-note)
lack; trick
knowingly wrong
(t-note)
spin out too much
trust; (t-note)
must teach
catch
trick; (see note)
rascal may slip off
sign
quickly
pressed; throng
dispute (question)
Take care
becomes you well, curious, I say
watch
in a large crowd
busy look
scoundrel; loyalty; belie
stuffed full; deception
(t-note)
stop; complaints
remedy
bale; submit
profit
quick
put forth; comfort
as you wish
(i.e., a reason)
complaint
altogether; (see note)
grief gone away
happy then
leave
quickly; criminal; taken
(see note); (t-note)
promise
worthy; good luck
expect
show; body
(t-note)
seize; reckless one
person
(i.e., trying to avoid us); rave [in pain]
(see note)
injure; body
fool; guiltless
sits (as a judge)
get (entrap)
desire; fleeing; prevent
we
fetch
well-being; hall
|