The Sadilleres
5 10 15 20 25 30 35 40 45 50 55 60 65 70 75 80 85 90 95 100 105 110 115 120 125 130 135 140 145 150 155 160 165 170 175 180 185 190 195 200 205 210 215 220 225 230 235 240 245 250 255 260 265 270 275 280 285 290 295 300 305 310 315 320 325 330 335 340 345 350 355 360 365 370 375 380 385 390 395 400 405	JESUS   Manne on molde, be meke to me And have thy Maker in thi mynde, And thynke howe I have tholid for thee With pereles paynes for to be pyned. The forward of my Fadir free Have I fulfillid, as folke may fynde; Therfore aboute nowe woll I bee That I have bought for to unbynde. The feende thame wanne with trayne Thurgh frewte of erthely foode; I have thame getyn agayne Thurgh bying with my bloode. And so I schall that steede restore For whilke the feende fell for synne; Thare schalle mankynde wonne evermore In blisse that schall nevere blynne. All that in werke my werkemen were, Owte of thare woo I wol thame wynne, And some signe schall I sende before Of grace to garre ther gamys begynne. A light I woll thei have To schewe thame I schall come sone. My bodie bidis in grave Tille alle thes dedis be done. My Fadir ordand on this wise Aftir his will that I schulde wende For to fulfille the prophicye And als I spake my solace to spende. My frendis that in me faith affies Nowe fro ther fois I schall thame fende, And on the thirde day ryght uprise And so tille heven I schall assende. Sithen schall I come agayne To deme bothe goode and ill Tille endles joie or peyne; Thus is my Fadris will.    Tunc cantent. ADAME   Mi bretheren, harkens to me here: Swilke hope of heele nevere are we hadde. Foure thowsande and sex hundereth yere Have we bene heere in this stedde. Nowe see I signe of solace seere, A glorious gleme to make us gladde, Wherfore I hope oure helpe is nere And sone schall sesse oure sorowes sadde. EVA   Adame, my husband hende, This menys solas certayne; Such light gune on us lende In paradise full playne. ISAIAH   Adame, we schall wele undirstande; I, Ysaias as God me kende, I prechid in Neptalym, that lande, And Zabulon even untill ende. I spake of folke in mirke walkand And saide a light schulde on thame lende. This lered I whils I was levand; Nowe se I God this same hath sende. This light comes all of Criste, That seede to save us nowe; Thus is my poynte puplisshid, But Symeon, what sais thou? SYMEON   This, my tale of farleis feele, For in the Temple his frendis me fande. I hadde delite with hym to dele And halsed homely with my hande. I saide, “Lorde, late thy servaunt lele Passe nowe in pesse to liffe lastand, For nowe myselfe has sene thy hele, Me liste no lengar to liffe in lande.” This light thou has purveyed To folkes that liffis in leede, The same that I thame saide I see fulfillid in dede. JOHANNES BAPTISTA   Als voyce criand to folke I kende The weyes of Criste als I wele kanne; I baptiste hym with bothe my hande Even in the floode of flume Jordanne. The Holy Goste fro hevene discende Als a white dowue doune on hym thanne; The Fadir voice, my mirthe to mende, Was made to me even als manne; “This is my Sone,” he saide, “In whome me paies full wele.” His light is on us laide, He comes oure cares to kele. MOYSES   Of that same light lernyng have I; To me, Moyses, he mustered his myght And also unto anodir, Hely, Wher we were on an hille on hight. Whyte as snowe was his body And his face like to the sonne to sight; No man on molde was so myghty Grathely to loke agaynste that light. That same light se I nowe Shynyng on us sarteyne, Wherfore trewly I trowe We schalle sone passe fro payne. I DIABOLUS   Helpe, Belsabub, to bynde ther boyes, Such harrowe was never are herde in helle. II DIABOLUS   Why rooris thou soo, Rebalde? Thou royis, What is betidde, canne thou ought telle? I DIABOLUS   What, heris thou noght this uggely noyse? Thes lurdans that in lymbo dwelle, Thei make menyng of many joies And musteres grete mirthe thame emell. II DIABOLUS   Mirthe? Nay, nay, that poynte is paste; More hele schall thei never have. I DIABOLUS   Thei crie on Criste full faste And sais he schal thame save. BELSABUB   Ya, if he save thame noght, we schall, For they are sperde in speciall space; Whils I am prince and principall Schall thei never passe oute of this place. Calle uppe Astrotte and Anaball To giffe ther counsaille in this case, Bele-Berit and Belial, To marre thame that swilke maistries mase. Say to Satan oure sire And bidde thame bringe also Lucifer, lovely of lyre. I DIABOLUS   Al redy, lorde, I goo. JESUS   Attollite portas principes, Oppen uppe, ye princes of paynes sere, Et elevamini eternales, Youre yendles gatis that ye have here. SATTAN   What page is there that makes prees And callis hym kyng of us in fere? DAVID   I lered levand, withouten lees, He is a kyng of vertues clere, A Lorde mekill of myght And stronge in ilke a stoure, In batailes ferse to fight And worthy to wynne honnoure. SATTAN   Honnoure, in the devel way, for what dede? All erthely men to me are thrall. The lad that calles hym Lorde in leede Hadde never yitt herberowe, house, ne halle. I DIABOLUS   Harke, Belsabub, I have grete drede, For hydously I herde hym calle. BELLIALL   We, spere oure gates, all ill mot thou spede, And sette furthe watches on the wall. And if he calle or crie To make us more debate, Lay on hym than hardely And garre hym gange his gate. SATTAN   Telle me what boyes dare to be so bolde For drede to make so mekill draye. I DIABOLUS   Itt is the Jewe that Judas solde For to be dede this othir daye. SATTAN   Owe, this tale in tyme is tolde; This traytoure traveses us alway. He schall be here full harde in holde, Loke that he passe noght, I thee praye. II DIABOLUS   Nay, nay, he will noght wende Away or I be ware; He shappis hym for to schende Alle helle or he go ferre. SATTAN   Nay, faitor, therof schall he faile, For alle his fare I hym deffie. I knowe his trantis fro toppe to taile; He levys with gaudis and with gilery. Therby he brought oute of oure bale Nowe late Lazar of Betannye; Therfore I gaffe to the Jewes counsaille That thei schulde alway garre hym dye. I entered in Judas That forwarde to fulfille; Therfore his hire he has Allway to wonne here stille. BELSABUB   Sir Sattanne, sen we here thee saie That thou and the Jewes wer same assente, And wotte he wanne Lazar awaye, That tille us was tane for to tente, Trowe thou that thou marre hym maye, To mustir myghtis what he has mente? If he nowe deprive us of oure praye We will ye witte whanne thei are wente. SATTAN   I bidde you be noght abasshed But boldely make youe boune With toles that ye on traste, And dynge that dastard doune. JESUS   Principes, portas tollite, Undo youre gatis, ye princes of pryde, Et introibit rex glorie, The kyng of blisse comes in this tyde. SATTAN   Owte, harrowe, what harlot is hee That sais his kyngdome schall be cryed. DAVID   That may thou in my Sawter see For that poynte of prophicie I saide that he schuld breke Youre barres and bandis by name And on youre werkis take wreke; Nowe schalle ye see the same. JESUS   This steede schall stonde no lenger stoken: Opynne uppe and latte my pepul passe. I DIABOLUS   Owte, beholdes, oure baill is brokynne, And brosten are alle oure bandis of bras. Telle Lucifer alle is unlokynne. BELSABUB   What, thanne, is lymbus lorne, allas? Garre Satan helpe that we were wroken; This werke is werse than evere it was. SATTAN   I badde ye schulde be boune If he made maistries more. Do dynge that dastard doune And sette hym sadde and sore. BELSABUB   Ya, sette hym sore, that is sone saide, But come thiselffe and serve hym soo; We may not bide his bittir braide: He wille us marre, and we wer moo. SATTAN   What, faitours, wherfore are ye ferde? Have ye no force to flitte hym froo? Belyve loke that my gere be grathed, Miselffe schall to that gedlyng goo. Howe, belamy, abide, With al thy booste and bere, And telle to me this tyde What maistries makes thou here? JESUS   I make no maistries but for myne, Thame wolle I save, I telle thee nowe. Thou hadde no poure thame to pyne But as my prisonne for ther prowe. Here have thei sojorned, noght as thyne But in thy warde, thou wote wele howe. SATTAN   And what devel haste thou done ay syne That never wolde negh thame nere or nowe? JESUS   Nowe is the tyme certayne Mi Fadir ordand before That they schulde passe fro payne And wonne in mirthe evermore. SATTAN   Thy fadir knewe I wele be sight; He was a write his mette to wynne, And Marie me menys thi modir hight, The uttiremeste ende of all thi kynne. Who made thee be so mekill of myght? JESUS   Thou wikid feende, latte be thy dynne; Mi Fadir wonnys in heven on hight With blisse that schall nevere blynne. I am his awne Sone, His forward to fulfille, And same ay schall we wonne, And sundir whan we wolle. SATTAN   God Sonne, thanne schulde thou be ful gladde Aftir no catel neyd thowe crave. But thou has leved ay like a ladde And in sorowe as a symple knave. JESUS   That was for hartely love I hadde Unto mannis soule it for to save, And for to make thee mased and madde. And by that resoune thus dewly to have Mi Godhede here I hidde In Marie modir myne, For it schulde noght be kidde To thee nor to none of thyne. SATTAN   A, this wolde I were tolde in ilk a toune. So sen thou sais God is thy sire, I schall thee prove be right resoune Thou motes his men into the myre. To breke his bidding were thei boune, And, for they did at my desire, Fro paradise he putte thame doune In helle here to have ther hyre. And thyselfe, day and nyght, Has taught al men emang To do resoune and right, And here werkis thou all wrang. JESUS   I wirke noght wrang, that schal thou witte, If I my men fro woo will wynne; Mi prophetis playnly prechid it, All this note that nowe begynne. Thai saide that I schulde be obitte, To hell that I schulde entre in And save my servauntis fro that pitte Wher dampned saulis schall sitte for synne. And ilke trewe prophettis tale Muste be fulfillid in mee, I have thame boughte with bale, And in blisse schal thei be. SATTAN   Nowe sen thee liste allegge the lawes, Thou schalte be atteynted or we twynne, For tho that thou to wittenesse drawes, Full even agaynste thee will begynne. Salamon saide in his sawes That whoso enteres helle withynne Shall never come oute, thus clerkis knawes; And therfore, felowe, leve thi dynne. Job, thi servaunte also, Thus in his tyme gune telle That nowthir frende nor foo Shulde fynde reles in helle. JESUS   He saide full soth, that schall thou see, That in helle may be no reles, But of that place than preched he Where synffull care schall evere encrees. And in that bale ay schall thou be Whare sorowes sere schall never sesse, And for my folke therfro wer free; Nowe schall thei passe to the place of pees. Thai were here with my wille, And so schall thei fourthe wende, And thiselve schall fulfille Ther wooe withouten ende. SATTAN   Owe, thanne se I howe thou movys emang Some mesure with malice to melle, Sen thou sais all schall noght gang But some schalle alway with us dwelle. JESUS   Yaa, witte thou wele, ellis were it wrang, Als cursed Cayme that slewe Abell And all that hastis hemselve to hange Als Judas and Archedefell, Datan and Abiron, And alle of thare assente Als tyrantis everilkone That me and myne turmente. And all that liste noght to lere my lawe That I have lefte in lande nowe newe, That is my comyng for to knawe And to my sacramente pursewe. Mi dede, my rysing, rede be rawe, Who will noght trowe, thei are noght trewe. Unto my Dome I schall thame drawe And juge thame worse thanne any Jewe. And all that likis to leere My lawe and leve therbye Shall nevere have harmes heere But welthe as is worthy. SATTAN   Nowe here my hande, I halde me paied, This poynte is playnly for oure prowe. If this be soth that thou hast saide We schall have moo thanne we have nowe. This lawe that thou nowe late has laide I schall lere men noght to allowe, Iff thei it take thei be betraied, For I schall turne thame tyte, I trowe. I schall walke este and weste And garre thame werke wele werre. JESUS   Naye, feende, thou schall be feste That thou schalte flitte not ferre. SATTAN   Feste, that were a foule reasoune; Nay, bellamy, thou bus be smytte. JESUS   Mighill, myne aungell, make thee boune And feste yone fende that he noght flitte. And Devyll, I comaunde thee go doune Into thy selle where thou schalte sitte. SATTAN   Owte! Ay, herrowe — helpe, Mahounde! Nowe wex I woode oute of my witte. BELSABUB   Sattan, this saide we are, Nowe schall thou fele thi fitte. SATTAN   Allas, for dolle and care, I synke into helle pitte. ADAME   A, Jesu Lorde, mekill is thi myght That mekis thiselffe in this manere Us for to helpe as thou has hight Whanne both forfette, I and my feere. Here have we levyd withouten light Foure thousand and six hundreth yere; Now se I be this solempne sight Howe thy mercy hath made us clene. EVE   A, Lorde, we were worthy Mo turmentis for to taste, But mende us with mercye Als thou of myght is moste. BAPTISTA   A, Lorde, I love thee inwardly That me wolde make thi messengere Thy comyng in erth for to crye And teche thi faith to folke in feere, And sithen before thee for to dye And bringe boodworde to thame here How thai schulde have thyne helpe in hye. Nowe se I all thi poyntis appere Als David, prophete trewe, Ofte tymes tolde untill us; Of this comyng he knewe And saide it schulde be thus. DAVID   Als I have saide, yitt saie I soo, Ne derelinquas, Domine, Animam meam in inferno,1 Leffe noght my saule, Lorde, aftir thee In depe helle where dampned schall goo, Ne suffre nevere saules fro thee be, The sorowe of thame that wonnes in woo Ay full of filthe, that may repleye. ADAME   We thanke his grete goodnesse He fette us fro this place; Makes joie nowe more and lesse. OMNIS   We laude God of his grace.    Tunc cantent. JESUS   Adame and my frendis in feere, Fro all youre fooes come fourth with me; Ye schalle be sette in solas seere Wher ye schall nevere of sorowes see. And Mighill, myn aungell clere, Ressayve thes saules all unto thee And lede thame als I schall thee lere To paradise with playe and plenté. Mi grave I woll go till, Redy to rise upperight, And so I schall fulfille That I before have highte. MICHILL   Lord, wende we schall aftir thi sawe, To solace sere thai schall be sende, But that ther develis no draught us drawe, Lorde, blisse us with thi holy honde. JESUS   Mi blissing have ye all on rawe. I schall be with youe wher ye wende, And all that lelly luffes my lawe, Thai schall be blissed withowten ende. ADAME   To thee, Lorde, be louyng That us has wonne fro waa. For solas will we syng, Laus tibi cum gloria, etc.	earth; obedient; (t-note) worked (suffered) unequaled; suffered covenant go about; (see note) won by trickery fruit; (t-note) (i.e., in my control) purchasing place dwell end win [back] cause; mirth remains deeds ordained disburse (i.e., has faith) foes; defend judge Then they sing; (see note); (t-note) well-being; ere (see note) place; (t-note) (see note) cease; (t-note) gracious means did; (i.e., shine) (t-note) instructed; (see note) Naphtali darkness walking living progeny [of the Father]; (see note); (t-note) proclaimed wonders many; (t-note) found; (t-note) held [him] affectionately; (t-note) (see note) in peace; everlasting desire; longer land to them deed crying; taught could river dove I am pleased (t-note) cool (assuage) (see note) Elijah sun Directly certainly believe soon (t-note) turmoil; before shout; talk nonsense; (t-note) hear; (see note) mention health (well-being) imprisoned; (see note) perform such outrages body; (see note) Lift up your gates, O princes; (see note) many And be ye lifted up, O eternal gates; (see note) everlasting upstart; press (commotion) altogether learned [while] living every struggle fierce deed subject; (see note) in man; (t-note) lodging dread bar; prosper (see note) vigorously make; go [on]; way racket attacks (contradicts); (t-note) captivity plans; destroy ere; far deceiver defy tricks; (see note) lives; tricks; guile custody Bethany gave cause (see note) promise reward (punishment) dwell since together agreed won taken; (i.e., guard) (i.e., such might as he has) prey tell when obliged tools; trust down Princes, open your gates; (see note) And the king of glory shall enter in at this time (t-note) proclaimed Psalter; (see note) break [metal] bands vengeance place; closed (see note) jail; (t-note) burst; (t-note) unlocked limbo lost Make; [so] that we may be revenged ordered; bound (tied up) attack if; more afraid; (t-note) flee Quickly; prepared; (t-note) crying out exercise no mastery (power) shall power; torment profit custody since approach; near ere dwell; (t-note) (see note) carpenter; food; earn was called noisemaking dwells; high end promise together part animals (humans) need; (t-note) lived (t-note) great bewildered; insane duly known town; (t-note) by; reason; (see note) you argue bound since reward (i.e., argue illogically) preached dead (t-note) sin story (prophecy) (t-note) purchased; suffering wish [to] expound; (see note) convicted Solomon; sayings began [to] release from suffering; increase many; cease peace (rest) permission forth go intend all the while; (t-note) mix or else hasten Achitophel Dathan; Abiram torment on earth recently incarnation (i.e., understood rightly) believe [Last] Judgment learn believe here well-being (bliss) paid (rewarded); (see note) profit more [souls] just now; proclaimed accept corrupt; quickly cause; much worse fast (confined) far must; struck Michael; bound; (see note) fasten cell; (t-note) wax; mad before experience; punishment dole; (t-note) (see note) humble promised offended; companion (Eve) (t-note) pure (free from sin) More; experience all together then message soon acts to yet (see note) (t-note) (t-note) dwell redeem; (see note); (t-note) brought (t-note) Then they sing; (see note); (t-note) apart bright Receive direct joy promised (i.e., do not trick us) bless; hand; (see note); (t-note) in order truly love praise won; woe Praise to you with glory; (see note); (t-note)