5
10
15
20
25
30
35
40
45
50
55
60
65
70
75
80
85
90
95
100
105
110
115
120
125
130
135
140
145
150
155
160
165
170
175
180
185
190
195
|
PETRUS Allas, to woo that we wer wrought!
Hadde never no men so mekill thought
Sen that oure Lorde to dede was brought
With Jewes fell.
Oute of this steede ne durst we noght,
But here ay dwelle.
JOHANNES Here have we dwelte with peynes strang.
Of oure liffe us lothis, we leve to lange,
For sen the Jewes wrought us that wrong
Oure Lorde to sloo,
Durste we nevere come thame emang,
Ne hense to goo.
JACOBUS The wikkid Jewes hatis us full ille
And bittir paynes wolde putte us till;
Therfore I rede that we dwelle stille
Here ther we lende,
Unto that Criste oure Lorde us wille
Some socoure sende.
DEUS Pees and reste be with yowe.
PETRUS A, brethir dere, what may we trowe,
What was this sight that we saughe nowe
Shynand so bright,
And vanysshed thus and we ne wote how,
Oute of oure sight?
JOHANNES Oute of oure sight nowe is it soghte;
Itt makith us madde, the light it broght.
What may it be?
JACOBUS Sertis I wotte noght
But sekirly
Itt was vanyté in oure thought,
Nought ellis trowe I it be.
DEUS Pees unto yowe evermore myght be,
Drede you noght, for I am hee.
PETRUS On Goddis name, benedicité,
What may this mene?
JACOBUS Itt is a sperite, forsothe thynketh me,
That dose us tene.
JOHANNES A sperite it is, that trowe I right,
All thus appered here to oure sight;
Itt makis us madde of mayne and myght,
So it us flaied,
Yone is the same that broughte the light
That us affraied.
DEUS What thynke ye, madmen, in youre thought?
What mournyng in youre hertis is brought?
I ame Criste, ne drede you noght,
Her may ye se
The same body that has you bought
Uppon a tre.
That I am comen you here to mete,
Behalde and se myn handis and feete,
And grathely gropes my woundes wete
Al that here is;
Thus was I dight youre balis to beete
And bring to blis.
For yowe thusgatis thanne have I gone;
Felys me grathely everilkone,
And se that I have flessh and bone.
Gropes me nowe,
For so ne has sperite none,
That schall ye trowe.
To garre you kenne and knowe me clere,
I schall you schewe ensaumpillis sere;
Bringe nowe forthe unto me here
Some of youre mette,
If ye amange you all in fere
Have ought to ete.
JACOBUS Thou luffand Lorde that laste schall ay,
Loo, here is mette that thou ete may:
A hony kombe the soth to saye,
Roste fecche thertill;
To ete therof here we thee praie
With full goode will.
DEUS Nowe sen ye have broughte me this mete,
To make youre trouthe stedfast and grete
And for ye schall wanhope forgete
And trowe in me,
With youe than here wol I ete,
That ye schalle see.
Nowe have I done, ye have sene howe,
Boldely etyng here with youe,
Stedfastly loke that ye trowe
Yitt in me efte,
And takis the remenaunte sone to you
That her is lefte.
For youe thus was I revyn and rayst;
Therfore some of my peyne ye taste
And spekis now nowhare my worde waste,
That schall ye lere;
And unto you the Holy Goste
Releffe you here.
Beis now trewe and trowes in me,
And here I graunte youe in youre poste:
Whome that ye bynde bounden schall be
Right at youre stevene,
And whome that ye lesid losed schal be
Evermore in hevene.
THOMAS Allas for sight and sorowes sadde,
Mornyng makis me mased and madde;
On grounde nowe may I gang ungladde,
Bothe even and morne.
That hende that I my helpe of hadde
His liffe has lorne.
Lorne I have that lovely light
That was my maistir moste of myght;
So doulfully as he was dight
Was never no man.
Such woo was wrought of that worthy wighte
With wondis wan.
Wan was his wondis and wonderus wette,
With skelpis sore was he swongen, that swette,
All naked nailed thurgh hande and feete.
Allas, for pyne,
That bliste, that beste my bale myght bete,
His liffe schulde tyne.
Allas, for sorowe myselffe I schende
When I thynke hartely on that hende;
I fande hym ay a faithfull frende,
Trulie to telle.
To my brethir nowe will I wende
Wherso thei dwell.
So wofull wightis was nevere none;
Oure joie and comforte is all gone,
Of mournyng may we make oure mone
In ilka lande.
God blisse you, brether, bloode and bone,
Same ther ye stande.
PETRUS Welcome, Thomas, where has thou bene?
Wete thou wele withouten wene,
Jesu oure Lorde than have we sene
On grounde her gang.
THOMAS What saie ye, men? Allas, for tene,
I trowe ye mang.
JOHANNES Thomas, trewly it is noght to layne:
Jesu oure Lorde is resen agayne.
THOMAS Do waie, thes tales is but a trayne
Of fooles unwise.
He that was so fully slayne,
Howe schulde he rise?
JACOBUS Thomas, trewly he is on lyve
That tholede the Jewes his flessh to riffe;
He lete us fele his woundes fyve,
Oure Lorde verray.
THOMAS That trowe I nought, so motte I thryve,
Whatso ye saie.
PETRUS Thomas, we saugh his woundes wette,
Howe he was nayled thurgh hande and feete;
Hony and fisshe with us he eette,
That body free.
THOMAS I laye my liff it was some sperit
Ye wende wer hee.
JOHANNES Nay, Thomas, thou haste misgone,
Forwhy he bad us everilkon
To grope hym grathely, bloode and bone
And flessh to feele.
Such thyngis, Thomas, hase sperite none,
That wote ye wele.
THOMAS What, leve felawes, late be youre fare.
Till that I see his body bare
And sithen my fyngir putte in thare
Within his hyde
And fele the wounde the spere did schere
Right in his syde,
Are schalle I trowe no tales betwene.
JACOBUS Thomas, that wounde have we seene.
THOMAS Ya, ye wotte nevere what ye mene,
Youre witte it wantis;
Ye muste thynke no syne me thus to tene
And tule with trantis.
DEUS Pees, brethir, be unto you,
And Thomas, tente to me takis thou:
Putte forthe thy fyngir to me nowe,
Myn handis thou see,
Howe I was nayled for mannys prowe
Uppon a tree.
Beholde my woundis are bledand,
Here in my side putte in thi hande
And fele my woundis and undirstande
That this is I,
And be no more mistrowand
But trowe trewly.
THOMAS Mi Lorde, my God, full wele is me,
A, blode of price, blessid mote thou be.
Mankynd in erth, behold and see
This blessid blode.
Mercy nowe, Lorde, ax I thee,
With mayne and mode.
DEUS Thomas, for thou haste sene this sight
That I am resen as I thee hight,
Therfore thou trowes it, but ilka wight,
Blissed be thou evere,
That trowis haly in my rising right
And saw it nevere.
My brethir, fonde nowe forthe in fere,
Overe all in ilke a contré clere;
My rising both ferre and nere
And preche it schall ye.
And my blissyng I giffe you here
And my menghe.
|
(t-note)
Since; death
malicious
place; dare [go]; (see note); (t-note)
strong
we (find) loathsome; live too long; (t-note)
(t-note)
slay
among
advise
where we dwell
believe
saw
Shining
know not
(i.e., gone); (t-note)
(t-note)
certainly
illusion; (see note)
else trust
Dread
Praise God (or: Bless you)
ghost; (see note)
harm
power
frightened; (t-note)
frightened us
hearts; (t-note)
(t-note)
purchased
cross
(see note)
directly touch
put [to death] your misery; relieve
in that manner
Touch; everyone; (t-note)
Examine (i.e., Touch)
cause; to know; with certainty
examples many
(see note)
food
company
eat; (t-note)
loving; always (forever)
honeycomb
Roast fish
beg; (t-note)
truth
despair; (see note)
believe
Still; hereafter
leftovers soon; (t-note)
here
torn; wounded; (t-note)
experience
diminish
learn
Relieve (Assist); (t-note)
Be; believe
power
bind bound; (see note)
word
loosened absolved
(see note)
Mourning; distraught
go
courteous one
lost
dolefully; put [to death]
man
dark
(t-note)
blows (lashes); dear one; (t-note)
blessed one; misery; defeat
end
exhaust
found
brethren; go
(t-note)
complaint
every nation
Together
Know; doubt
here walking
are confused
conceal; (t-note)
trick; (t-note)
alive
suffered; tear (wound)
wager
mistook for him
mistaken
asked
directly
ghost
leave (cease); matter (argument)
(see note)
skin
shear (cut)
Before
lacks
sin; be roused; (t-note)
assail; deceptions
attention
benefit
bleeding; (see note)
unbelieving; (t-note)
believe
(see note)
[high] value
(t-note)
ask
(i.e., supernatural power)
(t-note)
(t-note)
believes wholly
go forth; company; (see note)
every country
far
people (household)
|