5
10
15
20
25
30
35
40
45
50
55
60
65
70
75
80
85
90
95
100
105
110
115
120
125
130
135
140
145
150
155
160
165
170
175
180
185
190
195
201
205
210
215
220
225
230
235
240
245
250
255
260
265
270
275
|
PETRUS O mightfull God, how standis it nowe,
In worlde thus will was I nevere are;
Butte he apperes, bot I ne wote howe,
He fro us twynnes whanne he will fare.
And yitt may falle that for oure prowe
And alle his wirkyng lesse and mare.
A, kyng of comforte, gudde arte thou,
And lele and likand is thy lare.
JOHANNES The missing of my maistir trewe
That lenghis not with us lastandly,
Makis me to morne ilke a day newe
For tharnyng of his company.
His peere of gudnes nevere I knewe,
Of myght ne wisdome yit any.
PETRUS That we hym tharne sore may us rewe,
For he luffed us full faithfully.
Bot yitt in all my mysselykyng,
A worde that Christe saide comfortis me;
Oure hevynes and oure mournyng
He saide to joie turned schuld be.
That joie he saide in his hetyng,
To reve us none schulde have no posté,
Wherfore aboven all othir thyng
That joie me longis to knowe and see.
MARIA Thou, Petir, whanne my Sone was slayne
And laide in grave, ye wer in were
Whedir he schulde rise, almoste ilkane,
But nowe ye wotte thurgh knowyng clere.
Some that he saide schulde come is gane
And some to come, but ilkane sere,
Whedir it be to come or none,
Us awe to knowe it all in fere.
JESUS Almyghty God, my Fadir free,
In erthe thi bidding have I done
And clarified the name of thee,
To thyselffe clarifie the Sone.
Als thou haste geven me pleyne posté
Of ilke a flesh, graunte me my bone
That thou me gaffe myght lyffand be
In endles liffe and with thee wonne.
That liffe is this that hath none ende,
To knawe thee, Fadir, moste of myght,
And me thy Sone, whame thou gon sende
To dye for man withouten plight;
Mankynde was thyne whome thou bekende
And toke me to thi yemyng right.
I died for man, mannes misse to mende,
And unto spitous dede was dight.
Thy wille unto them taughte have I
That wolde unto my lare enclyne;
Mi lare have they tane buxsomly,
Schall none of them ther travaile tyne.
Thou gaffe them me but noght forthy,
Yitt are they thyne als wele as myne;
Fleme them not fro oure companye
Sen thyne are myne and myne er thyne.
Sen they are oures, if thame nede ought
Thou helpe them, if it be thy will,
And als thou wate that I thame boght,
For faute of helpe latte them not spill.
Fro the worlde to take them pray I noght,
But that thou kepe thame ay fro ill,
All thois also that settis thare thoght
In erthe my techyng to fulfill.
Mi thythandis tane has my menghe
To teche the pepull wher they fare.
In erthe schall thei leve aftir me
And suffir sorowes sadde and sare.
Dispised and hatted schall thei be
Als I have bene, with lesse and mare,
And suffered dede in sere degré,
For sothfastnesse schall none them spare.
Thou halowe thame, Fadir, forthy,
In sothfastnes so that thei may
Be ane as we ar, thowe and I,
In will and werke, both nyght and day,
And knawe that I am verilye
Both sothfastnes and liffe alway.
Be the whilke ilke man that is willy
May wynne the liffe that laste schall ay.
Bot ye, my postelis all bedene,
That lange has wente abowte with me,
In grete wanne trowyng have ye bene
And wondir harde of hartis ar ye.
Worthy to be reproved, I wene,
Ar ye forsothe, and ye will see
In als mekill als ye have sene
My wirkyng proved and my posté.
Whan I was dede and laide in grave,
Of myne upryse ye were in doute,
And some for myne uprysing strave
When I was laide als undir clowte
So depe in erthe, but sithen I have
Ben walkand fourty daies aboute,
Eten with you, youre trouthe to save,
Comand emange you inne and oute.
And therfore beis no more in were
Of myne upperysing, day nor nyght;
Youre misbeleve leves ilkone seere,
For witte ye wele, als man of myght
Over whome no dede may have poure,
I schall be endles liffe and right.
But for to schewe you figure clere,
Schewe I me thusgatis to youre sight,
Howe man by cours of kynde schall ryse
Allthough he be roten ontill noght;
Oute of his grave in this same wise
At the daye of dome schall he be broght
Wher I schall sitte as trewe justise
And deme man aftir he has wroght:
The wikkid to wende with ther enmyse,
The gode to blisse thei schall be broght.
Anodir skill forsoth is this:
In a tre man was traied thurgh trayne,
One man, forthy, to mende that misse
On a tree boght mankynde agayne.
In confusioune of hym and his
That falsely to forge that frawde was fayne
Mankynde to bringe agayne to blisse,
His foo the fende till endles peyne.
The thirde skille is, trewly to tell,
Right als I wende als wele will seme,
So schall I come in flessh and fell
Atte the day of dome whan I schall deme
The goode in endles blisse to dwell,
Mi fomen fro me for to fleme
Withouten ende in woo to well.
Ilke levand man here to take yeme.
But intill all the worlde wendand
The gospell trewly preche schall ye
Tille ilke a creatoure liffand.
Who trowes, if that he baptised be,
He schall, als yhe schall undirstande,
Be saved and of all thraldome free;
Who trowis it not, as mistrowand,
For faute of trouthe dampned is he.
But all ther tokenyngis bedene
Schall folowe tham that trowis it right,
In my name devellis crewell and kene
Schall thei oute caste of ilka wight,
With newe tongis speke, serpentes unclene
Fordo, and if thei day or nyght
Drinke venym wik, withouten wene,
To noye thame schall it have no myght.
On seke folke schall thei handes lay
And wele schall thei have sone at welde;
This poure schall thei have alway,
My menghe, bothe in towne and felde.
And witte ye wele, so schall thei
That wirkis my wille in youthe or elde,
A place for thame I schall purveye
In blisse with me ay in to belde.
Nowe is my jornay brought till ende,
Mi tyme that me to lang was lende.
To my Fadir nowe uppe I wende,
And youre Fadir that me doune sente:
Mi God, youre God, and ilk mannes frende
That till his techyng will consente
Till synneres that no synne thame schende,
That mys amendis and will repente.
But for I speke thes wordis nowe
To you, youre hartis hase hevynes,
Fullfillid all be it for youre prowe
That I hense wende, als nedful is.
And butte I wende, comes noght to yowe
The comforteoure of comforteles.
And if I wende, ye schall fynde howe
I schall hym sende, of my goodnesse.
Mi Fadirs will fullfillid have I;
Therfore fareswele, ilkone seere.
I goo make youe a stede redye
Endles to wonne with me in feere.
Sende doune a clowde, Fadir, forthy
I come to thee, my Fadir deere.
The Fadir blissing moste myghty
Giffe I you all that leffe here.
Tunc cantat angelus Ascendo ad patrem meum.1
MARIA A, myghtfull God, ay moste of myght,
A selcouth sight is this to see,
My Sone thus to be ravisshed right
In a clowde wendande uppe fro me.
Bothe is my herte hevy and light,
Hevy for swilke twynnyng schulde be
And light for he haldis that he hight
And thus uppe wendis in grette posté.
His hetyngis haldis he all bedene
That comfortis me in all my care,
But unto whome schall I me mene?
Thus will in worlde was I nevere
To dwelle amonge thes Jewes kene,
Me to dispise will thei not spare.
JOHANNES All be he noght in presens seene,
Yitt is he salve of ilka sare;
But, lady, sen that he betoke
Me for to serve you as youre sonne,
You nedis nothyng, lady, but loke
What thyng in erthe ye will have done.
I ware to blame if I forsoke
To wirke youre wille, midday or none,
Or any tyme yitt of the woke.
MARIA I thanke thee, John, with wordis fune;
Mi modirhed, John, schall thou have,
And for my sone I wolle thee take.
JOHANNES That grace, dere lady, wolde I crave.
MARIA Mi Sone sawes will I nevere forsake.
Itt were not semand that we strave
Ne contraried noght that he spake.
But John, tille I be broght in grave,
Schall thou never see my sorowe slake.
JACOBUS Owre worthy Lorde, sen he is wente
For us, lady, als is his will,
We thanke hym that us thee hath lente
With us on lyve to lenge her stille.
I saie for me with full concente,
Thi likyng all will I fulfille.
ANDREAS So wille we all with grete talent,
Forthy, lady, giffe thee noght ill.
I ANGELUS Ye men of the lande of Galilé,
What wondir ye to hevene lokand?
This Jesus whome ye fro youe see
Uppetane, ye schall wele undirstande,
Right so agayne come doune schall he
When he so comes with woundes bledand,
Who wele has wrought full gladde may be,
Who ill has leved full sore dredand.
II ANGELUS Ye that has bene his servauntis trewe
And with hym lengand, nyght and day,
Slike wirkyng als ye with hym knew,
Loke that ye preche it fourthe alway.
Youre mede in hevene beis ilke day newe,
And all that servis hym wele to paye;
Who trowes you noght, it schall thame rewe,
Thei mon have peyne encresand ay.
JACOBUS Loved be thou, Lorde, ay, moste of myght
That thus, in all oure grete disease,
Us comfortist with thyne aungellis bright.
Nowe aught ther Jewes thare malise meese
That sawe thameselve this wondir sight
Thus nere thame wroght undir ther nose.
And we have mater day and nyght,
Oure God more for to preyse and plese.
ANDREAS Nowe may ther Jewes be all confused
If thai onthinke thame inwardly
Howe falsely thei have hym accused
And sakles schente thurgh ther envy.
Ther falsed, that thei long have used,
Nowe is it proved here opynly.
And they were of this mater mused,
Itt schulde thame stirre to aske mercy.
PETRUS That wille thei noght, Andrewe, late be,
For thei are full of pompe and pride.
Itt may noght availe to thee ne me,
Ne none of us with thame to chide.
Prophite to dwelle can I none see,
Forthy late us no lenger bide
But wende we unto seere contré
To preche thurgh all this worlde so wide.
JOHANNES That is oure charge, for that is beste
That we lenge nowe no lenger here,
For here gete we no place of reste
To lenge so nere the Jewes poure.
Us to fordo thei will thame caste,
Forthy come forthe, my lady dere,
And wende us hense, I am full preste
With you to wende with full goode chere.
Mi triste is nowe ever ilk a dele
In yowe to wirke aftir youre counsaill.
JACOBUS Mi lady dere, that schall ye fele
In oght that evere us may availe;
Oure comforte, youre care to kele
Whill we may leve we schall not faile.
MARIA Mi brethir dere, I traste itt wele,
Mi Sone schall quyte you youre travaile.
PETRUS To Jerusalem go we agayne
And loke what fayre so aftir fall;
Oure Lorde and maistir moste of mayne,
He wisse youe and be with youe all.
|
(see note)
perplexed; before
know not
separates when; go
benefit
working (efforts)
good; (t-note)
true; felicitous; lore (teaching)
remains; always
mourn; every; anew
lack
equal; goodness
(t-note)
lose; be sorry
loved
sorrow
promise
deprive; power
I long
doubt
each one
Some [things]; would happen have happened; (t-note)
each one separately
ought; all together
(see note)
revealed
glorify
request
gave; living
to live
whom; did
called (summoned)
care
spiteful death; put
law incline
taken obediently
harm
gave; [to] me
Banish
Since; are yours
anything
know; purchased
lack; bring to ruin
are firm in their
tidings received; company
live
hated
death in many ways
loyalty to truth
bless
one
truth; life eternal
willing
(i.e., everlasting life)
apostles; forthwith; (see note)
for a long time
weakness in trusting
wondrous; hearts
power
resurrection
argued
ground; (t-note)
(see note)
Eaten
Coming among
confusion
disbelief everyone abandons
death; power
eternal life; righteousness
[by] sign
in this manner
nature; (see note)
decayed to nothing
(t-note)
Last Judgment
judge; according to [what]
enemies
good
reason
tree; betrayed; trick
lapse (sin); (t-note)
purchased
ready
foe; fiend; pain
(i.e., bodily)
foemen (enemies); banish
suffer
living; heed
going; (t-note)
preach
To every; living
believes
(t-note)
bondage
disbelieving
lack
signs altogether
believes
sharp
expel each man
venom deadly
annoy them
sick
health; in keeping
power
company
provide
dwell
too long
to
To; overcomes
sin
benefit
go
unless
place ready
dwell
(see note)
Give; live
(see note); (t-note)
wondrous
(see note)
ascending up from
such separation
holds [to] what; promised
promises; forthwith
address (speak)
confused; (before)
Even if he is
remedy; every affliction
since
am
week
?fond
motherhood
Son’s words (sayings)
appropriate; argue
contradicted
diminish
left behind
remain here; (t-note)
consent
desires
resolution
looking; (see note)
Ascended
down; (see note)
bleeding
dreading
dwelling
Such
forth
reward; is
satisfy
trusts; be sorry
increasing always
Praised; (see note)
discomfort (misery)
malice assuage
matter
reflect on them
innocent killed
falsehood
conscious
encourage
Profitable; dwell [among them]
let; longer abide
various countries
remain; longer
have
dwell
attempt; (t-note)
(i.e., in haste); (t-note)
trust; entirely
experience
assuage
live
trust (believe)
requite; [for] your effort
events; befall (happen)
direct
|