5
10
15
20
25
30
35
40
|
64. Balade: «Faitez de moy tout ce qu’il vous plaira»
Il me convient estre mal de mez yeux;
Mon cuer le veult et vers moy le pourchace,
Et leur met sur tant de cas et de tieulx
Que je ne sçay bonnement que j’en face.
Maiz toutesfoiz ilz m’ont demendé grace,
Et m’ont prié par bonne entencion
De recevoir leur excusacion.
Et je n’ay pas de ce faire pouoir.
Si en vueillez ordonner voz vouloir,
Belle plaisant, qui a jugier lez a,
Et puis aprez, tost et tart, main et soir,
Faitez de moy tout ce qu’il vous plaira.
Mon cuer me dit que me vaulsist trop mieulx
N’en avoir nulz et que plus endurasse,
Car ilz ne sont de rien sy tres joyeulx
Que de souvent me mener en la place
La ou mon cuer devient plus froit que glace,
Et autre fois plus chault que ung tison.
Et non pourtant c’est mon oppinion
Qu’il me vault mieulx beaucop de maulx avoir
En vous servant que d’autre recevoir
Trestous lez biens que jamais homme aura.
Pour ce, Belle, quant vous iré veoir,
Faitez de moy tout ce qu’il vous plaira.
Car, par ma foy, maulgré lez envieux,
Il ne pourroit que je ne vous aimasse,
Combien que j’ay grans annemis mortieulx
Vers vous, comme Danger, qui me menasse.
Durté aussy me veut mal. Mais quant a ce,
Je ne lez crains ne ne prise ung bouton,
Car vous avés Courtoisie et Raison
Qui vous conceillent a faire vo devoir,
Et j’ay tousjours avec moy Bon Espoir,
Qui mainte fois vo doulceur ditte m’a.
C’est quanque j’ay de bien, a dire voir.
Faitez de moy tout ce qu’il vous plaira.
Princesse belle, je puis trop mieulx valoir
Pour vostre amour, quant donnee me sera.
Je ne le dy que pour ramentevoir.
Faitez de moy tout ce qu’il vous plaira.
|
64. Ballade: “Do with me anything you please”
I am forced to be hurt by my eyes;
My heart wishes it and seeks it for me,
And places them in so many such situations
That I don’t really know what to do.
But they have constantly asked me for grace,
And they have begged me with good intent
To accept their apology.
And I don’t have the power to do so.
Therefore please command your will,
Charming beauty, who has the power to judge them,
And then afterwards, early and late, morning and eve,
Do with me anything you please.
My heart tells me that I would be better off
Not to have any eyes, and that I would last longer,
For they are not so joyous of anything
As of often leading me to the place
Where my heart becomes colder than ice
And another time hotter than a burning log.
And nonetheless it is my opinion
That it’s better for me to have a great deal of pain
In serving you than to receive from another
All the rewards that a man will ever have.
Therefore, fair one, when I come to see you,
Do with me anything you please.
For by my faith, despite the envious,
It could not be that I do not love you,
However many great mortal enemies I have
Around you, such as Danger, who threatens me.
Harshness also wishes me ill. But as for that,
I do not fear or care about them a bit,
For you have Courtesy and Reason
Who counsel you to perform your duty,
And I always have Good Hope with me,
Who has told me many times of your gentleness.
That’s all the reward I have, to tell the truth.
Do with me anything you please.
Beautiful princess, I can be worth much more
Because of your love, when it is given to me.
I don’t say so except as a reminder.
Do with me anything you please.
|
(see note)
|